Sūtra २.३.७

ननु भिन्नत्वे सति, यावद् विकारं तु विभागो लोकवत् [वे.सू. २.३.७] इति न्यायेन विकारत्व-प्राप्तिः स्याद् आत्मनः ? न, वैधर्म्यान्तरात् । तच् च वैधर्म्यं प्रमाणानपेक्ष-सिद्धत्वम् । आत्मा हि प्रमाणादि-विकार-व्यवहाराश्रयत्वात् प्राग् एव तद्-व्यवहारात् सिध्यति । अतो विभाग-युक्ति-लब्ध-न्यायस्य नात्रावतारः । नित्यत्व-श्रुतिश् चास्माकम् अत्रास्ति । यथा वैकुण्ठादि-वस्तूनाम् अपि सैव नित्यत्वं शास्तीति । नात्माश्रुतेर् नित्यत्वाच् च ताभ्यः [वे.सू. २.३.१७] इति न्यायान्तरं च तं न्यायम् अपसारयति ।